ប្រើ​ទូរស័ព្ទ​ម៉េច​ឲ្យ​មាន​ប្រយោជន៍​ដល់​ការ​សិក្សា?​

យុវវ័យ សិស្ស និងនិស្សិតស្ទើរគ្រប់គ្នាសុទ្ធតែមានទូរស័ព្ទប្រើគ្រប់ដៃ ហើយអ្នកខ្លះញៀននឹងទូរស័ព្ទខ្លាំងទៀតផង។ តើយើងជាសិស្សគួរប្រើទូរស័ព្ទក្នុងគោលបំណងអ្វីខ្លះដើម្បីឲ្យវាមានប្រយោជន៍ក្នុងការសិក្សា?



១. ប្រើវចនានុក្រម
ទូរស័ព្ទស្មាតហ្វូនទាំងអស់សុទ្ធតែអាចបញ្ចូលវ​ចនានុក្រម​ឬបើកវចនានុក្រម​ក្នុងអ៊ិនធើណេត​បាន។​ ដូច្នេះអ្នកគួរប្រើទូរស័ព្ទដៃក្នុងវិធីនេះដើម្បីជំនួយការសិក្សា។

២. ស្តាប់និងអានព័ត៌មាន
ក្នុងនាមជាសិស្សនិស្សិតក្រៅពីរៀនមុខវិជ្ជាក្នុងសាលា យើងក៏ត្រូវចេះចំណេះដឹងនិងដឹងពីព្រឹត្តិការណ៍ផ្សេងៗដែលកើតជុំវិញខ្លួន អញ្ចឹងទូរស័ព្ទជាវត្ថុមួយដែលជួយអ្នកបង្កើនចំណេះដឹងទូទៅបានយ៉ាងងាយ។

៣. ប្រើប្រាស់កម្មវិធីសិក្សាផ្សេងៗ
អ្នកអាចដោនឡូតកម្មវិធីរាប់រយរាប់ពាន់ដែលទាក់ទងនឹងការសិក្សាដាក់ក្នុងទូរស័ព្ទដៃ ហើយអនុវត្តជារៀងរាល់ថ្ងៃ។ ធ្វើបែបនេះ នឹងចំណេញទាំងពេលវេលា និងទទួលបាននូវប្រយោជន៍ដោយមិនដឹងខ្លួន ព្រោះអ្នកអាចយកវាទៅរៀននៅកន្លែងណាក៏បាន។

អត្ថបទ៖ ជី បូណ៌មី
ប្រភព៖ ISTE

(ហាមដាច់ខាតការយក​អត្ថបទនេះដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 010 666 520)