សកម្មភាព​​សិល្បៈខ្មែរ ជ្រើសរើស​អ្នក​ស្ម័គ្រចិត្ត

ការសម្តែងល្ខោននិយាយ "តៃកុងហំ" ថ្ងៃទី ១៩ ខែមីនា ឆ្នាំ ២០១៧ នៅសាលសន្និសីទចតុមុខ
អង្គការសកម្មភាពសិល្បៈខ្មែរ ជាស្ថាប័នបង្កើតឡើងដើម្បីចូលរួមលើកស្ទួយ អភិវឌ្ឍ និងថែរក្សាការពារស្នាដៃ វប្បធម៌ និងសិល្បៈខ្មែរដែលមានរយៈកាលដ៏ចំណាស់មួយនេះ ដើម្បីបន្តដល់អ្នកជំនាន់ក្រោយៗទៀត។ ថ្មីៗនេះ សកម្មភាព​សិល្បៈខ្មែរ បានសហការជាមួយសាស្រ្តាចារ្យ លោកគ្រូអ្នកគ្រូ និង សិស្សនិស្សិត ដែលបញ្ចប់ការសិក្សាពីសាលាមធ្យមសិក្សាវិចិត្រសិល្បៈ និងសាកលវិទ្យាល័យភូមិន្ទវិចិត្រសិល្បៈ ដើម្បីបង្កើតកម្មវិធីសិល្បៈល្ខោននិយាយរឿង "ថៅកែចិត្តចោរ” ហៅ “តៃកុងហំ” ដែលជាស្នាដៃរបស់លោកសាស្រ្តាចារ្យ ពៅ យូឡេង និង អ៊ុំ ឈឺន។ “ថៅកែចិត្តចោរ” ហៅ “តៃកុងហំ” គឺជារឿងអក្សរសិល្ប៍ទំនើបបែបល្ខោននិយាយនិពន្ធនៅឆ្នាំ ១៩៥៦ ហើយត្រូវបានដាក់បញ្ចូលនៅក្នុងកម្មវិធីសិក្សារបស់ក្រសួងអប់រំតាំងពីឆ្នាំ ១៩៨០ រហូតមកដល់ បច្ចុប្បន្ននេះ។

នេះជាព្រឹត្តិការណ៍ដ៏កម្រមួយនៃសិល្បៈខ្មែរ តើអ្នកចង់ចូលរួមចំណែកបង្កើតកម្មវិធីដ៏អស្ចារ្យមួយនេះរឺទេ?
តម្រូវការ:
• ជាសិស្សវិទ្យាល័យឬនិសិ្សត
• មានចិត្តចង់ស្វែងយល់បន្ថែម
• មានភាពរហ័សរហួន ស្មោះត្រង់ អាចទុកចិត្តបាន និង ចេះបត់បែនតាមកាលៈទេសៈ
• មានទំនួលខុសត្រូវខ្ពស់ក្នុងការបំពេញការងារ
អត្ថប្រយោជន៍:
• បង្កើនការទំនាក់ទំនងជាមួយអ្នកដ៏ទៃ
• ទទួលបានចំនេះដឹងក្នុងការធ្វើការជាក្រុម
• ជួបជាមួយសិស្សច្បង មានបទពិសោធន៍ក្នុងសិល្បៈ
• ទទួលបានអាវយឺត
• ទទួលបានលិខិតបញ្ជាក់ រឺប័ណសរសើរ
ថ្ងៃផុតកំណត់ ថ្ងៃទី២៦ ខែកុម្ភៈ ឆ្នាំ២០១៧ ត្រឹមម៉ោង១៧ៈ០០
ប្រសិនបើមានចំណាប់អារម្មណ៍​ សូមបំពេញទម្រង់បែបបទខាងក្រោមនេះ ជាភាសាអង់គ្លេស៖
Click Link Here